Судот ги задолжува и да ја надоместат штетата од преднајавено имотно правно побарување и тоа Ненад Ѓорговски 20.000 евра, а Методиј Стојменовски 30.000 евра, додека за преднајавената штета од 150.000 евра, АД „ЕЛЕМ“ се насочува да ги бара во судска постапка. Осудените, кои треба да ги платат и трошоците за судската постапка и вештачења, имаат право на жалба на пресудата. Стојменовски и Ѓорговски беа ослободени по точка од обвинението за злоупотреба на службена должност со противзаконска набавка на софтверски систем за потребите на АД „ЕЛЕМ“, со што, како што стоеше во обвинителниот акт, и причиниле имотна штета на компанијата од 450.000 илјади евра.
Во образложение на судската одлука е наведено дека сите тројца се осудуваат на казна затвор како виновни за повеќе кумулативни дејствија по повеќе точки од обвинението, иако според обвинителниот акт, јавниот обвинител бараше одделна одговорност за сите точки од обвинението.
Судскиот процес го водеше судијката Софче Гаврилова Ефремова, а застапник на обвинението е Трајче Пеливанов. Сите обвинети на почетокот на судењето се изјаснија дека не се чувствуваат виновни. Случајот го отвори поранешното Специјално Jавно Oбвинителство во 2018 година, за потоа да премине во надлежност на Јавното Oбвинителство.