Екс премиерот Никола Груевски седна на обвинителнаta клупа заедно со останатите обвинети во случајот ТНТ на СЈО за уривање на објектот „Космос“, но главната расправа не е започната бидејќи адвокатите на обвинетите бараат одложување на рочиштето.
Адвокатот Димитар Дангов прво истакна дека треба да го разгледаат писмениот и видео записникот, за да можат да ја спремаат одбраната. Адвокатите реагираа дека не го добиле доказите од СЈО, мислејќи на транскрипти од телефонски пораки.
До овој момент, судијата Огнен Ставрев се уште не се изјасни дали ќе го одложи рочиштето.
Од СЈО, пак бараат главната расправа да започне, истакнувајќи дека одбраната имала можност да направат увид во доказите за време на истрагата, но тоа не го сториле.
Адвокатите, пак се повикаа на решение на судот, со кое му наложиле на обвинителот Бурим Рустими да им достави це-де со смс пораки и аудио разговори.