Вложувањето во културализам и етиката е клучно за креирање здраво и одговорно општество, смета универзитетскиот професор и социолог Али Пајазити во изјава за „Градска.мк“. Но, вели тој, не е проблем кој може да се поправи со некоја делумна интервенција на одредени стручни лица.
Според него, ваквите настани зборуваат за длабоката криза на вредностите што ја доживуваме, за мочуриштето, моралната кал во која се наоѓаме како вид, како човештво, дека одиме кон колективна бездна.
„Овој феномен, значи егзекуција за пари, може да го наречеме зомбификација или манкуртизација; како што е познато, Манкуртите не препознаваат име, семејство, племе, па дури ни себеси како човечки суштества“ изјави Пајазити за „Градска.мк“.
Граѓаните се во шок и не верување по убиството на Вања, но сепак сметат дека ова е изолиран случај и веруваат во системот и не мислат дека е нарушена нивната и безбедноста на нивните најблиски, се покажа од анкетата на „Градска.мк“.