Со две дози вакцинирани се 45 отсто од полнолетното население, трета доза примиле 782 граѓани

Од Министерството за здравство информираат дека до 9 октомври  се вакцинирани 795.186 граѓани, ревакцинирани се 748.563, а трета доза примиле 782 граѓани.

Вчера и во петокот аплицирани се вкупно 4.418 дози вакцини, од кои 1.132 се аплицирани како прва доза, 3.129 се ревакцинирани, а 157 граѓани примиле трета доза вакцина.

Според здравствените власти, 53 отсто од граѓаните над 40 годишна возраст се ревакцинирани, а 33 отсто од популацијата од 18 до 39 години примиле барем една доза вакцина.

„Опфатот со вакцинација со една доза вакцина, на полнолетната популација е 47 отсто , а со две дози опфатени се 45 отсто од граѓаните над 18 години“, стои во соопштението.