Претседaтелoт нa Сoбрaниетo, Трaјкo Вељaнoски, нa денешнaтa пленaрнa седницa, ги кoнстaтирaше oстaвките нa министрите и на зaмениците министри нa Демoкрaтскaтa унијa зa интегрaцијa (ДУИ).
Вo текoт нa денoт се oчекувa Вељaнoски дa свикa нoвa седницa и нa дневен ред дa се стaви тoчкaтa за избoр на нoвите министри, кoи вчерaвечер ги предлoжи ДУИ.
ДУИ во четвртокот вечерта објави дека ги повлекува сите министри од Владата, без јасно образложение, што остави да се шпекулира за значењето на потегот.
Во петокот оставки поднесоа досегашните министри Муса Џафери, Фатмир Бесими, Беким Незири, Абдилаќим Адеми, Нурхан Изаири, Аднан Јашари и Лирим Шабани, како и замениците-министри Ардиан Џеладини, Неметула Халими, Земри Ќамили и Илми Селами.
Од партијата на Али Ахмети вчеравечер објавија список со предлози за нови министри и заменици.
За министер без ресор – заменик на премиерот задолжен за европски прашања, е предложен Фестим Халили. За министер без ресор – заменик на премиерот задолжен за спроведување на Рамковниот договор, предлогот е Арбер Адеми. За министер за правда е предложен Валдет Џафери. За министер за образование и наука, Пиштар Лутфиу. За министер за економија, Дритон Кучи. За министер за животна средина и просторно планирање предложен е Башким Ахмети. За министер за локална самоуправа предложена е Шухрете Елези. Без ресор – задолжен за странски инвестиции, ДУИ предлага министер да биде Арлинд Зеќири.
За заменик министер за одбрана предложен е Беким Максути, за заменик министер за внатрешни работи, Агим Нухиу, за заменик министер за транспорт и врски, Фатон Положани, и за заменик министер за финансии, Гзим Беадини.