Со 95 гласа „за“ и ниту еден против, Собранието ја изгласа Резолуцијата на ВМРО-ДПМНЕ за државните позиции во преговорите со Бугарија. Пред ова, пратениците од владејачкото мнозинство го изглсаа амандманот со кој во Резолуцијата влезе уставното име Република Северна Македонија. Овој амандман не беше гласан од ВМРО-ДПМНЕ.
За опозициската партија ВМРО-ДПМНЕ Резолуцијата е важна за да не се нарушува достоинството на македонскиот народ, јазик и идентитет. Додека за власта тоа е аргумент дека се става крај на лажните вести.
Резолуцијата ја поддржаа и пратениците од албанската опозиција.