Според најновите податоци, во светот со новиот коронавирус досега се заразиле 5.545,463 лица. Од нив починале 347.617, а оздравеле 2.327.245.
-Во Хрвтска во последните 24 часа нема нови заболени со коронавирус. Од вкупно 2.244 заболени досега, оздравеле 2.035 лица, 109 се на лекување. Досега починале 100 лица.
– Институтот за јавно здравје на Црна Гора објави дека и денеска не се регистрирани нови случаи на коронавирус во таа земја. Бројот на активни случаи е нула,, велат од Институтот. Вчера се опорави последниот пациент заболен од Ковид-19, па Црна Гора стана „корона фри“ држава, пренесува РТЦГ.
– Во последното деноноќие во Албанија регистрани се шест новозаразени со Ковид-19, со што вкупниот број надмина илјада заболени. Од почетокот на пандемијата, извршени се 14.659 тестирања, при што позитивни се 1.004 лица. Битката со болеста ја добиле 795 или околу 79 од вкупно заболените а починале 32 лица. Активни случаи се 177, од кои 16 се третираат болнички, а четворица се на интензивна терапија.
– Во Австрија, бројот на активни случаи се намали за околу 50 на 679. Според Министерството за здравство, во последните 24 часа, бројот на активни пациенти е намален за 47. Во исто време, бројот на смртни случаи се зголеми за нова жртва и сега изнесува 641.
– Иран ги отвори големите шиитски светилишта, вклучувајќи го и Имам Реза во Машхада и Хазрат Масумех во Кома, два месеци откако тие беа затворени за да се спречи ширењето на коронавирусот.
На верниците и аџиите ќе им биде дозволен пристап до дворовите, но не и на тремови и други покриени области. Тие ќе треба да ги следат упатствата за хигиена и физичко дистанцирање, пренесува Би Би Си.
– Општата болница во Вестон, во југозападниот дел на Англија престана да прима пациенти, дури и на одделот за итни случаи, поради големиот број заболени од коронавирус, објави денеска болницата.Од таму посочуваат дека суспендирањето на приемот е превентивна мерка за безбедноста на пациентите и вработените.
– Од направени 2.128 анализи, во изминатите 24 часа на Кипар се регистрирани само два нови случаи на Ковид-19. Од почетокот на епидемијата, заразени се вкупно 937 лица.




