Советот за безбeдност на Обединетите нации денеска во Њујорк ќе ја разгледува ситуацијата на Косово, по барање од Белград поради одлуката на Приштина за трансформирањето на Безбедносните сили во Оружени сили на Косово.
На седницата најавено е учеството на претседателите на Србија и на Косово Александар Вучиќ и Хашим Тачи. Официјален Белград оценува дека со одлуката за трансформација на косовските безбедносни сили грубо се крши Резолуцијата 1244 која предвидува меѓународно безбедносно присуство, а не воспоставување оружени сили.
Вучиќ во саботата изјави дека ќе присуствува на седницата на Советот за бебзедност „за да ја каже вистината за тоа колку труд и енергија вложила Стбија за да биде постигнат компромис, а колку другите не го сакале тоа“.
– Ќе се обидам да кажам дека го прифативме Бриселскиот договор, како тежок договор и се изнесовме на наш грб, затоа што знаевме дека на Србија и е потребен мир, нагласи Вучиќ, додавајќи дека на Србија не и требаат нови судири и војни.
Тој нагласи и дека Србија ги исполнила сите „тешки услови“ од Договрот од Брсиел, а Приштина, според него, ниту еден.
Тачи синоќа најави дека на седницата на Советот за безбедност на ОН „ќе ја каже вистината“ дека трансформацијата на Косовските безбедносни сили во Восјка не е причина на страв, туку за прослава, бидејќи „ја потврдува посветеноста на Косово на мултиетничките институции.
Според него, Приштина сега треба да се насочи кон обезбедување членство на Косово во ОН.
– Фокусот сега е на дијалогот за столче на Косово во ОН, објави Тачи на Твитер.