Репрезентациите на Шпанија и на Словенија се пласираа во четврт-финале на Светското ракометно првенство во Франција. „Фуријата“ потешко од очекувањата го совлада Бразил со 28:27, а „змајчеки“ со 32:26 беа подобри од Русија.
Најефикасни во шпанскиот состав беа вардарците Душебаев и Канелјас кои постигнаа по пет гола, прв стрелец на средбата беше Бразилецот Жоао Педро Силва со седум. Противник на составот на Рибера за пласман во полуфинале ќе биде подобриот од дуелот меѓу Хрватска и Египет.
Дарко Цингесар постигна најмногу погодоци (6) за Словенците против „зборнаја“, Маргуч реализира 5 колку и Шишкарев и Деревен за руската селекција. Тимот на Веселин Вујовиќ во четврт-финалето ќе игра со победникот од мечот Германија – Катар.
Меѓу најдобрите осум на турнирот претходно се најдоа Норвешка по победата над Македонија (34:24) и Франција по триумфот против Исланд (31:25). Норвежаните го чекаат подобриот од средбата Унгарија – Данска, „триколорите“ ќе играат со поуспешниот од меот Белорусија – Шведска.
СП во ракомет
Осминафинале
Норвешка – Македонија 34:24
Франција – Исланд 31:26
Русија – Словенија 26:32
Бразил – Шпанија 27:28
Утре на СП
Осминафинале
Белорусија – Шведска (16 ч.)
Унгарија – Данска (16 ч.)
Германија – Катар (18 ч.)
Хрватска – Египет (20,45 ч.)