Локалното население денеска ги отстрани барикадите на граничните премини Јариње и Брњак во северно Косово, a специјалните единици на косовската полиција се повлекоа. Со тоa е испочитуван делот од договорот меѓу Белград и Приштина, постигнат пред неколку дена во Брисел.
КФОР соопшти дека почнале со спроведувањето на договорот меѓу Косово и Србија и дека нивните припадници и претходните денови патролирале низ главните патишта кои водат кон граничните премини, а кои беа блокирани.
– Во наредните две недели КФОР ќе биде присутен на тоа подрачје во согласност со споменатиот договор и во согласност со својот мандат, кој произлегува од Резолуцијата 1244 на Советот за безбедност на ОН од 1999 година, со цел да обезбедиме сигурна и безбедна околина и слобода на движење на сите заедници кои живеат на Косово, сооопшти КФОР.