Белград: Студентите во Нови Сад денеска организираат одбележување на 6 месеци од денот кога падна натстрешницата на железничката станица при што загинаа 16 луѓе. Оддавањето на почитта на загинатите ќе се случи на железничката станица во 11 часот и 52 минути после што граѓаните ќе се упатат на мостот на слободата кој ќе биде блокиран неколку часови.
Во Белград е најавен голем протест. Студентите и 5 државни синдикати повикаа на собири пред владата на Србија во 14 часот. Студентите ултрамаратонци во меѓувреме го продолжуваат патот кон Брисел.
По повод Меѓународниот ден на трудот, синдикатите во Србија организираат собири во Белград на кои ќе ги објават своите барања за измени во трудовото законодавство, а потоа ќе учествуваат на првомајскиот протест на студентите пред зградата на Владата на Србија.
Најавено е дека на протестот пред Владата на Србија ќе присуствуваат синдикалци од Белград, Нови Сад, Ниш, Крагуевац и други градови.
На тој собир ќе се емитува „Слободен дневник“ подготвен од група новинари од Радио-телевизија Војводина, а ќе се одржи и концерт на отворено на детски рок хор.