Престрелката се случила во просториите на компанијата, а за убиство е осомничен маж со афроамериканско потекло, кој, наводно, работел во фирма со Срби како возач на камион, пренесува порталот
Маж од Србија, Н.М., беше убиен во предградието Бур Риџ во Чикаго, кога во него пукаше неидентификувано лице. Во истиот момент, во фирмата, која била во сопственост на српски државјанин, било пукано и во жена, објави Српски Тајмс.
Престрелката се случила во просториите на компанијата, а за убиство е осомничен маж со афроамериканско потекло, кој, наводно, работел во фирма со Срби како возач на камион, пренесува порталот.
Откако пукал во српските државјани, убиецот влегол во камион, а по извесно време, бил опкружен од полицијата и пред нивните очи си пукал во глава и починал на лице место.
Според овој портал, Србинот Н.М. починал на пат кон болница, додека жената е во болница и засега не се знае нејзината здравствена состојба.
Првичните информации велат дека причина за овој трагичен настан е недоразбирање во деловните односи.