Министерството за надворешни работи соопштува дека специјалниот германски пратеник Јоханес Хајндл информирал за неговиот мандат и чекувањата на денешната средба со Никола Попоски.
– На средбата беа споделени очекувања дека напорите за надминување на политичката криза во државата остануваат фокусирани на исполнување на реформите со кои ќе се задржи препораката за водење на пристапни преговори со ЕУ, која Република Македонија прв пат ја доби од Европската комисија во 2009 година. Министерот Попоски изрази благодарност за традиционалната поддршка која Германија, како членка на ЕУ, ја дава на Македонија во бројни области, вклучително и билатералната поддршка преку германската амбасада во Скопје, се вели мешу другото во соопштението.
Попоски ја нагласил важноста политичката криза да биде надмината преку решенија кои се единствено поддржани од македонските институции, политички чинители и пред се граѓаните на Република Македонија, а чија воља се изразувала на избори.