Активистите и организаторите на денешниот протест во Белград, Иван Бјелиќ и Никола Ристиќ ги повикаа вработените во јавните институции да се приклучат на блокадата.
Тие порачаа дека вработените во јавните институции работат до 15 часот и оти на протестот треба да се приклучат сите „чесни луѓе“.
Студентите нагласија дека ќе продолжат да ја блокираат крстосницата на улиците Кнеза Милоша и Немањина, каде што се наоѓа зградата на Владата на Србија.
Тие претходно најавија дека увид во изборниот список ќе бараат и од локалните самоуправи.