Три месеци од катастрофалните поплави што го зафатија Стајковци, ова село во близина на Скопје повотрно е под закана, по дождот кој непрекинато паѓа.
Граѓанскиот активист Павле Богоевски на својот Фејсбук профил објави фотографија од моменталната ситуација во селото, на која се гледа поплавена улица и голема количина на смет. Тој ја обвини владејачката ВМРО ДПМНЕ за негрижа, бидејќи како што вели „се исплаќаат минимални средства за обесштетување, кои не ги покриваат ниту основните трошоци, исплатени се помалку од четвртина од оштетените, не се санира каналската мрежа, се вршат исплати по партиска линија и парите се користат за финансирање на фирмите блиски до партијата, преку договори во четири очи“.
– Освен очигледниот проблем на злоупотреба на нашите пари и финансирање на нивните соучесници пред избори, ние имаме многу поголем, поургентен проблем: оваа партија и нивните фирми не се способни да го заштитат населението. Го игнорираат ризикот за повторување на штетите поради уништената инфраструктура и заситената почва. Едноставно си крадат, си свиркаат и чекаат избори, напиша Богоевски.