Денес во Македонската опера и балет, во 21 часот, ќе биде отворено 34-то издание на меѓународната културна манифестација „Скопско лето 2013”, што традиционално почнува на на првиот календарски ден на летото и Светскиoт ден на музиката.
Музичко – сценскиот спектакл што ќе го отвори ова издание на Скопско лето е насловен како „Бетовен 9 – та симфонија“, диригент е Шунго Моријама Shungo Moriyama (Japonija) солисти: Ирена Кавкалевска – мецосопран , Ѓорѓи Цуцковски – тенор (Македонија) Еми Хашики (Emi Hishiki) – сопран, Кеишуке Отани (Keisuke Otani) – баритон (Јапонија), а ќе учествуваат и хорот и оркестарот наМОБ, заедно со хористи гости од Јапонија. Концертот за отворањето на Скопско лето 2013 е копродукциски проект меѓу МОБ (Македонија) и МК Лимитед (Јапонија).
За отворањето на овој скопски фестивал е закажана и Изложба на слики од Марија Светиева по повод 25 години ликовно творештво, насловена како Танцот на животот, а ќе биде отворена во Национална галерија на Македонија – Мултимедијален центар „Мала станица”.
Куратор на изложбата е Љупчо Маленков, а поздравен збор ќе одржи и директорката на НГ Мала станица, Халиде Палоши. Изложбата ќе биде отворена во 20 часот.