Два часа трае распитот на обвинителката од СЈО Лиле Стефанова за случајот „Рекет“ во Обвнителството за организаран криминал.
Од Обвинителството не сооштуваат кога може да се очекува да заврши давањето исказ.
Новинарите од 9.30 часот се пред зградата на обвинителството кога и почна распитот, но обвинителката влезе од службениот влез и не даде изјава.
Обвинителката Лиле Стефанова денеска е повикана во Обвинителството за гонење на организиран криминал и корупција, а во врска со истрагата за случајот „Рекет“, во кој Бојан Јовановски и Зоран Милески се осомничени за тргување со влијание.
Стефанова ја води истрагата за случајот „Империја“, во кој еден од осомничените е Орце Камчев. Тој, според истрагата дал 1,5 милиони евра мито на Јовановски и Милески, за да запре кривичниот прогон против него токму во овој случај.
Обвинителката Стефанова во писмената изјава ја посочи шефицата на СЈО Катица Јанева, која се слуша и на аудио снимките што ги објави италијанскиот весник Ла Верита, дека давала нареди како да се постапува во овој предмет.
Таа тврди и дека Јанева барала случајот „Империја“ и „Поштенска банка“ да завршат со спогодба, без затворски казни за осомничените.
-На 16 април 2019 година, во канцеларијата на Катица Јанева беше одржан состанок на кој таа изнесе одредени одлуки пред присутните обвинители, а кои се однесуваа на дејствија во предметите „Империја“ и „Поштенска банка“. Конкретно, нѝ беше наложено, најдоцна до 06 мај 2019 година, до неа да доставиме писмени извештаи за штетата во двата предмета кои осомничените траба да ја платат на државата, по што предметите „да бидат тука затворени“ и осомничените „да не одат во затвор“. Меѓутоа, јас и обвинителот Бурим Рустеми изготвивме писмени извештаи во кои покрај износите на штетата, ги наведовме и можните затворски казни согласно Кривичниот законик во случај на спогодување со јавниот обвинител. Дополнително, за предметот „Империја“ потенцирав дека е во многу рана фаза за евентуално спогодување и дека истрагата треба да продолжи во следниот период, тврди Стефанова.
Вчера, исказ во Обвинителството даде обвинителката од СЈО Елизабета Јосифовска која пред два дена изјави дека по барање на шефицата на СЈО Катица Јанева го потпишала решението на Камчев да му се врати пасошот.