Борис Стојменов: Основачот на ТВ Канал 5 Борислав Стојменов јавно се дистанцира од изјавите и постапките на управителот на ТВ Канал 5 Иван Мирчевски кој без релевантни аргументи си зема за право да иницира смена на гувернерот на Народна банка на Република Македонија.
Ваквиот потег претставува сериозен пример на самоволие во кое медиумски претставник се обидува да наметне политички процеси без никаква институционална или законска надлежност.
Ова отвара суштинско прашање: дали медиумите ќе ја вршат својата улога на информирање или ќе се претворат во центри за политички притисок и влијание што е случај во Република Македонија?
Ваквото однесување не само што ја поткопува довербата во медиумите, туку директно удира и врз принципите на правната држава и независноста на институциите.
Очекуваме јасно повлекување на ваквата иницијатива и преземање одговорност за изнесените ставови.
Од Фејсбук ѕидот на авторот