АМСМ вечерва соопшти дека на планинскиот премин Стража поради обилни врнежи од снег се воведува забрана за движење на тешки товарни возила.
Оттаму исто така информираат дека е укината забраната за сообраќај за тешки товарни возила за патниот правец Кичево-Охрид преку планинскиот премин Пресека, како и на патниот правец крак Маврово – Дебар.
Веќе цел дел целосно отсечен е патниот правец Македонски Брод – с.Здуње на кој гравитираат 11 села.
Сообраќајот на државните патишта се одвива тековно во зимски услови по претежно влажни коловози, наместа со остатоци од снег на коловозот по интервенција на екипите на Македонијапат.
Временска прогноза
Утре ќе има преодно стабилизирање на времето, а од понеделник ќе започне период на претежно облачно
време со повремени врнежи од снег со променлив интензитет. Врнежите повеќе ќе бидат застапени во западните и јужните подрачја. Од средината на работната седмица на пониските места особено на југоисток врнежите ќе бидат од дожд, соопшти УХМР.