Никола Груевски се уште не го примил решението на Кривичниот ссовет, откако судскиот курир вечерва и по третпат се обидел да го најде во неговиот дом.
Решението на Груевски ќе му биде врачено в понеделник кога тој треба да се појави на судско рочиште за предметот „Титаник“.
Викендов Груевски може и сам да се пријави во Шутка без решението од Кривичниот совет, затоа што тој веќе има упатен акт за извршување на казна затвор.
Првиот пат вратата ја отворила сопругата Боркица и рекла дека Груевски е излезен, објави ТВ Алсат М и додаде дека курирот вечерва пак ќе се обиде да го врачи решението.
Веднаш штом ќе го добие, Никола Груевски ќе мора да се пријави на издржување на двегодишната затворска казна за случајот „Тенк“ на СЈО.
Кривичниот совет вчера ги отфрли жалбите на адвокатите на Никола Груевски на жалбата што Груевски лично ја поднесе за одложување на затворската казна.
Во одлуката на Кривичниот совет пишува дека „по ценење на фактите и доказите во жалбите Кривичниот совет донесе решение со кое го одби жалбите и го п0тврди решението на судијата за извршување санкции. Решението е испратено до странките во постапката и истото е извршно веднаш по приемот од странките“.
Ова значи дека во моментот кога ќе го добие решението од Кривичниот суд, Груевски треба да се пријави во затворот во Шутка.
Груевски е осуден на двегодишна казна затвор за случајот „Тенк“ на Специјалното јавно обвинителство кое се однесува на набавката на луксузниот „мерцедес“ од 600 илајди евра.
Поранешниот премиер и почесен претседател на ВМРО – ДПМНЕ, Никола Груевски, беше обвинет за примање награда за противзаконско влијание и осуден на двегодишна затворска казна, додека Ѓоко Поповски кој се товареше за злоупотреба на службената положба и овластувања беше осуден на шест и пол години затвор но потоа Апелација му ја намали на четири и пол години затвор. За овој случај,во раздвоена постапка, шест години затворска казна доби и поранешната министерка за внатрешни работи Гордана Јанкулоска.
Според обвинението, Јанкулоска за да го исполни барањето на Никола Груевски, со умисла го поттикнала обвинетиот Ѓоко Поповски да стори кривично дело.
„Тенк“ е едно од петте предмети каде е обвинет Груевски. Ова е првата пресуда за него.