Пред присутните се очекува да се обрати министерот за надворешни работи на Република Србија Никола Селаковиќ, како и претседателката на Република Српска, Жељка Цвијановиќ. На Свечената академија ќе настапи и познатата српска пејачка, Јелена Томашевиќ.
По повод Свети Сава, национален празник на Србите во Македонија, Регионалниот одбор на Српската заедница во Македонија организира Свечена Светосавска академија која ќе се одржи утревечер (27. јануари) во Македонскиот народен театар (19 ч.) во Скопје.
На Свечената академија во МНТ ќе се обратат високи официјални претставници од Република Северна Македонија, од Република Србија и од Република Српска. Со богата културно уметничка програма ќе биде претставена културата, духовноста и традицијата на српскиот народ.
Пред присутните се очекува да се обрати и претседателката на Владата на Република Србија, Ана Брнабиќ, како и претседателката на Република Српска, Жељка Цвијановиќ.
Светосавска беседа ќе одржи д-р Славенко Терзиќ, академик и поранешен амбасадор.
Во културно-уметничката програма ќе учествуваат актерите од Белградскиот народен театар, Воениот оркестар при Министерството за одбрана на Република Србија. На академијата ќе настапи и познатата српска пејачка, Јелена Томашевиќ.
– Свети Сава е симбол на нашето творештво низ векови, наш корен на животот, нашето чувство за време, историја и судбината на нашиот народ, изјави претседателот на Демократска партија на Србите во Македонија и претседател на Организациониот одбор на Светосавската академија, Иван Стоилковиќ.
Свечена Светосавска академија денеска (26. јануари) ќе се одржи во Куманово, а утре делегациите од Република Србија и од Република Српска ќе го посетат градоначалникот и српските организации во Куманово. Се очекува тие да бидат примени и од претседателот Стево Пендаровски.
Македонската радио-телевизија со почеток во 19 часот на Канал 4, ќе врши директен пренос на свечената Светосавска академија во Скопје.
Како што соопшти Министерството за труд и социјална политика, 27 јануари 2022 година (четврток), Свети Сава, е неработен ден за припадниците на српската заедница во Република Македонија.