-Во мојата политичка кариера од ништо не ми се гадело повеќе отколку од оваа одлука на Уставниот суд. Да не бидеме преголеми оптимисти. Зад оваа одлука на уставните судии стои договор меѓу ВМРО-ДПМНЕ и ДУИ. Целта им е да се врати старото владеење на ВМРО-ДПМНЕ и ДУИ. Тоа нема логика, изјави претседателот на ДПА Мендух Тачи, средбата со американскиот заменик помошник државен секретар за Европа и за Азија, Хојт Ји.
Според него, одлуката за враќање во функција на Собранието требала да биде резултат на договор на четирите политички партии, потписнички на договорот од Пржино.
– Пратениците на ДПА најверојатно нема да учествуваат на денешната собраниска седница. Ние не гласавме за избори на 5 јуни и за распуштање на Собранието. Ние сме етничка опозиција на Албанците и макотрпно се трудиме да има решенија и за етничката компонента, рече Тачи.
За аболицијата, тој смета дека е отворање на големата врата за политички договор.
– На преговорите многу се разговараше за Собранието и ВМРО-ДПМНЕ и ДУИ со многу цинизам и иронија ни велеа дека ќе овозможат 100 дена пред изборите да бидеме сите дел од владата. Важна е деблокадата на Парламентот, но многу важно е каква влада ќе имаме понатаму, изјави Тачи.