Косовскиот премиер Хашим Тачи одлучи косовската Влада да оддели пари од буџетот и да се плати штетата која во неделата беше нанесена на десетици православни гробови, за рушење и сквернавење.

Рушењето на споменици и сквернавење на православни гробници на територијата на Косово започна веднаш по тргањето на споменикот на припадниците на ОБПМБ во Прешево.

Оштетени или целосно срушени со експлозив се споменици и гробници во десетина села во Косово, во Витина со багер е срушен споеник на жртвите од Народноослободителната борба од Втората светска војна и испишани графити на цркви во Урошевац, а полицијата спречи напад на женскиот манастир во Џаковица.