Косовскиот премиер Хасим Тачи побара од САД и Европската унија поголема подршка на северниот дел од Косово за да не биде воспоставено трето ниво на власт за формирање на заедница на српски општини.
Тачи тоа го пренесе на американскиот државен секретар Вилиамс Барнс во телефонски разговор, соопштуваат од канцеларијата на косовскиот премиер.
Се наведува дека Приштина и Белград на патот да се постигне договор, Тачи на американските официјални лица им рекол дека косовската страна во дијалогот “покажа максимална флексибилност и креативност, со цел да понуди практични решенија кои ќе го подобрат животот на луѓето во северниот дел, како и за нив да се стекне доверба да се интегрираат во косовските институции. ”
Морам да ве известам дека здружувањето или заедницата, како што сака Србија не може да биде избран орган и не може да има извршни овластувања. Тоа значи дека извршните локални овластувања на српските општини не може да бидат предадени на Асоцијацијата, додава косовскиот премиер Тачи.