Силната бура што која предизвика над 60 жртви на Филипините, сега се движи низ јужниот дел на Кина.
Тајфунот Мангхут е една од најмоќните бури што го погоди регионот во последниве децении.
Според државните медиуми, две лица загинале во кинеската провинција Гуангдонг, од каде се евакуирани повеќе од 2,5 милиони луѓе.
Тајфунот сега се движи во внатрешноста, и се очекува попладне да ги погоди кинеските региони на Гуичжоу, Чонгкинг и Јунан.
Филипини
Според локалните извештаи, на Филипините 33 рудари загинале, а најмалку 29 се водат за исчезнати поради лизгање на земјиштето во областа Итогон во провинцијата Бенгет.
Градоначалникот на Итон Викторио Паландан, продолжуваат спасувачките мисии, но се стравува дека бројот на жртвите може да се зголеми и над 100.
Хонг Конг е целосно блокиран
Видео снимките на социјалните мрежи за Хонг Конг, кој беше погоден од тајфунот во текот на викендот, покажуваат како под силината на ветрот се нишаат и зградите, а од некои пажаат и прозорци.
Транспортните услуги, исто така, се во прекин, парализиран е авионскиот и железничкиот сообраќај и главните патишта се затворени.
Градот успеа да спречи поголем број човечки жртви, но сега се соочува со тежок период на опоравување.
Официјално, бројот на повредени во Хонг Конг е повеќе од 200.
Ветровите достигнале брзина од речиси 180 км/час, а нивото на водата на некои места пораснало за речиси 3,5 метри.
Властите издадоа предупредување до жителите да останат во затворени простории и подалеку од прозорците, за да избегнат да бидат погодени од делови од зградите кои беа откорнати од ветрот.
Повеќето продавници и јавни служби беа затворени, а повеќе од 800 летови беа откажани на меѓународниот аеродром во Хонг Конг.
Во соседно Макао, за првпат во историјата била издадена наредба да се затворат казината по кои е познато.