Анти-владините демонстранти во Тајланд ја поминале цврсто обезбедуваната бариера и стигнале до портите на кабинетот на Премиерката, без отпор од страна на полицијата. Стотици демонстранти го окупирале тревникот на владиното седиште во Бангкок, мавтајќи знамиња на Тајланд, пренесува „Ал Џезира“.
Ваквиот развој на настаните ги смирил тензиите во главниот град на Тајланд, после три дена судири помеѓу полицијата и демонстрантите, кои бараат оставка на премиерката Јинглук Шинаватра.
„Полицијата и припаѓа на народот“, изјави началникот Камронвит Тупкрајанг за агенцијата АФП. „Денес нема да се употребува солзавец…минатата вечер, еден од полицајците беше повреден, така да ако пружиме отпор ќе има повеќе повредени, а ние сите доаѓаме од оваа држава“.
Со употреба на кранови, полицијата ги отстранила бетонските плочи и бодликавата жица.
Вчера, премиерката Јинглук Шинаватра ги одби барањата на анти-владините демонстранти, тврдејќи дека протестите се против-законски.
Судот во Тајалнд вчера издаде налог за апсење на лидерот на опозицијата, кој воедно е и лидер на протестите, под обвинение за предавство.