Тајсон Геј „падна“ на допинг тестовите. Геј нема да учествува на Светското првенство во Москва.
Американскиот атлетичар Тајсон Геј, и најголем конкурент на најбрзиот човек на планетата, Усеин Болт, е позитивен на последните допинг тестови.
„Никогаш намерно не сум внесувал нелегални сусптанции“, изјави Геј, пренесуваат светските медиуми.
Од Јамајка, дури пет атлетичари позитивно се заведени за користење на недозволени средства. Меѓу нив го нема Усеин Болт, но затоа бронзениот од Светското првенство во 2009 во Берлин, Асафа Пауел е тестиран како позитивен за користење на забранетиот стимуланс оксилофрин.
На повидок е нова допинг афера, најголемата по случајот со велосипедистот Ленс Армстронг.
Од друга страна Геј вели дека ќе бара примерок „Б“ за последните резултати, а доколку биде позитивен, му се заканува двегодишна суспензија.
Пауел беше дел од штафетата на Јамајка која го освои златниот медал на 4×100 метри на Олимписките игри во Пекинг 2008 година, а е поранешен рекордер на стазата од 100 метри.