Нема одговор од битолскиот градоначалник Владимир Талески, зошто надвор од предвидените рокови е назначен и поставен в.д. директор на претпријатието „Нискоградба“ во Битола.
Советничката во општина Битола Габриела Илиевска од ВМРО-НП тврди дека Талески на крајот на октомври во 2014 во ист ден го разрешил и потоа го назначил за в.д. директор лицето Кире Крстевски, а одлуката за распишување на јавен конкурс за избор на директор на претпријатието донел дури месец подоцна, што според кривичниот законик се нарекува „злоупотреба на службената положба и овластување“.
Според неа, распишаниот конкурс биле повикани на интервју поголем број лица, но градоначалникот Талески дури во март 2016, односно по година и пол донесува одлука да не се изврши избор на директор, истиот ден го разрешил и повторно го назначил Крстевски за в.д. директор.
Доколку самата постапка се водела законски решение за в.д. директор смеело да биде доделено 5 дена откако поминал рокот на кој бил не бил избран редовен директор, тврди советничката Илиевска. Таа побара завршната сметка на претпријатието Нискоградба да се повлече, оти на чело на институцијата незаконски, година и пол бил назначен в.д. директорот.
-Според Законот за јавни претпријатија конкурс а избор на директор се објавува три месеци пред истекот на мандатот на постојниот директор. Овој конкурс е објавен еден месец по завршувањето на мандатот на тогашниот директор.
На 4.03.2016 јас како советник поднесов барање да добијам информации од јавен карактер во врска со ова јавно претпријатие. Одлуката на Талески да донесе уште едно решение не само што е незаконска туку е груба и политичка неисправна, мислејќи со тоа дека некој ќе може да рече дека имаме законски директор.
Поголемо незаконие е тоа што на 10.03. 2016 не само што му дава второ решение за в.д. директор туку во истиот ден ја носи онаа одлука која требало да ја донесе на 02.01.2015 во која пишува дека може да се избере директор не подолго од 6 месеци, во кој рок или мора да се именува по конкурсот или да го поништи и да објави нов, вели Илиевска.
Останува нејасно како е можно Крстевски да остане в.д. директор година и три месеци, без да се сети градоначалникот да донесе ново решение за назначување лице за таа позиција.
Што предвидуваат законските рокови?
По објавувањето на јавниот оглас за избор на директор на ЈП „Нискоградба“ Битола, крајниот рок за пријавување на кандидати требало да биде до 5 декември, односно осум дена. Потоа 15 дена Комисијата избрана од Управниот одбор, односно Градоначалникот има право да ги разгледува документите 15 дена, по што градоначалникот ја носи дефинитивната одлука.
Талески иако пред објавувањето на овој текст неколкупати беше контактиран од НОВА, досега не образложи зошто наместо до 5. декември огласот се распишал и завршил во ист ден, како е можно в.д. директор на претпријатие да биде назначен подолго од 6 месеци и врз кој правен основ функцијата в.д. директор се обавувала во претпријатието.
За првиот човек на „Нискоградба“, Крстевски, градоначалникот има право да одлучува кој ќе биде директор на јавните претпријатија под општинска капа.