Авганистанските Талибанци денеска заземаа стратегиска област во североисточната провинција Кундуз, принудувајќи ги војниците да се повлечат. Талибанците ја нападнаа областа од различни позиции и ние го одбивавме нападот со часови, но не добивме помош. Областа падна во рацете на Талибанците, рече Хајатула Амири, шеф на областа Канабад.
Бунтовниците ја преземаа областа рано утрово, а има и тешки борби во неколку други области, соопштија властите.
Портпаролот на Талибанците Забихула Муџахид рече дека тие ја преземале областа заедно со возила и оружје.
Пред пет дена Талибанците преземаа област во блиската провинција Баглан, преземајќи ја и муницијата и возилата на владините сили. Авганистанските безбедносни сили се борат со Талибанците во 15 од 34 провинции соопшти министерството за одбрана.




