Пратеникот Јохан Тарчуловски, обвинет за насилствата во настаните од 27 април во моментов дава исказ во Обвинителството за организиран криминал во врска со настаните во Собранието, потврди неговиот адвокат за Телма.
Вчера Тарчуловски побара Кривичниот суд да му дозволи на 18 јануари да го напушти својот дом на 4 часа за од собраниско столче лично да го слуша обракањето на генералниот секретар на Нато Јенс Столтенберг.
Во писмото кое вчера преку неговиот адвокат го испратил, пишува дека е свесен дека Собрaнието му го одзело имунитетот за да му биде определен куќен притвор, но додава дека во оваа фаза се уште ја извршува функцијата пратеник.
Тарчуловски очекува судот да му даде дозвола и затоа што до сега не ја прекршил забраната да го напушти домот.
Во меѓувреме, скопска Апелација ја одби неговата жалбата со која бараше укинување на домашниот притвор.
Вчера во Обвинителството била сослушана и пратеничката Жаклина Пешевска, а за в четврток покана добил и пратеникот Љупчо Димовски. Двајцата се во куќен притвор и за нивните жалби Апелација се уште нема одлука.