Во Кривичниот суд денеска треба да се одржи рочиште за случајот „Тарифа”.

Специјалното јавно обвинителство за случајот „Тарифа“ сомничи седум лица поради постоење основано сомнение дека е извршена злоупотреба на службената положба во постапка по јавна набавка на софтвер – ЕРП Систем за потребите на АД ЕЛЕМ.

Првообвинет во предметот е поранешниот генерален директор на ЕЛЕМ, Дејан Бошковски. Се товари за злоупотреба на службената положба.

Предметот е распределен кај судијката Верка Петковска, која ја водеше постапката за „Диво насеље“.

Основниот суд Скопје 1 во овој предмет ги прифати и прислушуваните разговори како докази во постапката. Осомничени се вкупно три лица.

Според СЈО постои основано сомнение дека е извршена злоупотреба на службената положба и овластување на службени и одговорни лица во постапка по јавна набавка на софвер – ЕРП Систем за потребите на АД ЕЛЕМ, при што осомничените лица со неизвршување на службената должност овозможиле правното лице – конзорциум, кое подоцна го добило тендерот, да се квалификува во втората фаза на преговарање при јавната набавка, иако немало доставено комплетна документација.

Вредноста на склучениот Договор за јавна набавка е 4.092.420 евра, а причинетата штета изнесува 456.560 евра.

Бошковски е инаку сопруг на Билјана Бришкоска Бошковска, поранешен заменик министер за правда.