Неколку ирански бродови поминаа низ зоната на американската поморска блокада во Оманскиот Залив, според иранските државни медиуми, по прелиминарниот договор меѓу САД и Иран со цел прекин на конфликтот.
Најмалку три танкери за нафта и два товарни брода поминаа низ областа без инциденти во понеделник вечерта, објави Иран Прес ТВ, повикувајќи се на информирани извори.
Развојот на настаните следеше по неколку недели преговори за време на кои Вашингтон и Техеран се согласија за рамковен договор со цел прекин на војната, кој треба да биде потпишан во петок во Швајцарија.
Клучната точка на спор во преговорите беше повторното отворање на Ормутскиот премин.ж
Иран се согласи да дозволи водниот пат повторно да се отвори по потпишувањето на договорот, додека американскиот претседател Доналд Трамп рече дека наредил итно укинување на поморската блокада на САД врз иранските пристаништа.
Договорот исполнува едно од главните барања на Техеран.
Во посебна изјава, услугата за следење на бродови „ТанкерТракерс“ на платформата X објави дека супертанкер што превезувал околу два милиони барели иранска сурова нафта ја поминал американската поморска блокада, додека другите бродови или се приближувале кон зоната или повеќе не биле во иранските пристаништа.
Претседателот на САД, Доналд Трамп, во понеделник изјави дека договорот со Иран е потпишан и дека неговата содржина ќе биде објавена по официјалното потпишување закажано за петок.
Тој додаде дека Ормускиот теснец потоа ќе биде целосно отворен за пловидба, објави „Ројтерс“.
Според информациите дадени од двете страни, договорот предвидува повторно отворање на Ормускиот теснец и продолжување на примирјето за дополнителни 60 дена, во текот на кои треба да се решат најспорните прашања, вклучително и иднината на нуклеарната програма на Иран.