Вредноста на телефонот на Адолф Хитлер од кој бараше да се убијат милиони Евреи и кои ги прати последните инструкции пред Русите да се приближат до неговиот бункер, се проценува на 470.000 долари.
Хитлер, наводно, не се одвојувал од црвениот телефон дури ни на своите патувања.
Предметот од „огромно историско значење“ го пронашол британскиот официр Ралф Рајнер во бункерот на Фирерот близу Берлин во април 1945 година.
Меѓу последните повици на Хитлер била наредбата неговиот стан да се запали откако тој и неговата сопруга, Ева Браун, се самоубиле, а неговиот шура, Херман Ферлајн, го погубил поради предавство.
Телефонот на кој има врежано свастика, Рајнер го прошверцувал во Велика Британија бидејќи се плашел од тужба за кражба, а малку пред смртта во 1977 година, го предал на својот син Ранулф.
Аукциските куќи, „Сотби“ и „Кристи“, имаат строга политика во врска со тргувањето со нацистички предмети и тие нема да го изложат телефонот, а британските музеи, вклучувајќи го и Кралскиот воен музеј, одбиле да го примат телефонот.
Телефонот покасно овој месец ќе се обиде да го продаде аукциската куќа „Александар хисторикл окшнс“ во Америка.