Здружението на приватните медиуми (ЗПММ) испратиле барање до УЈП, финансиска полиција и до обвинителството да се преиспита комплетното финансиско работење и транспарентноста на ЗАМП и на новото здружение за заштита на авторските права ММИ.
Истовремено тие побарале од Министерството за култура да се стопира работата на новото здружение ММИ се до завршувањето на истрагата. Ова се дел од активностите кои од денеска почнуваат да ги применуваат приватните медиуми во врска со наплатата на авторските права.
Да ставиме ред во оваа област, за авторите и исполнителите да бидат праведно вреднувани и наградени. Здружението на приватните медиуми бара нова законска регулатива во областа на авторските права. Ние не сме против плаќање на авторски права – тоа го докажавме долги години наназад.
Македонските медиуми во знак на протест против уништувањето на македонската музика, се вели во унифицираната порака, која од денес се емитува на програмите на членовите на здружението.
Медиумите најавуваат дека нивниот протест ќе се одвива во три фази. По инспекциите, во втората фаза ќе се направи прекин на програмата во траење од 5 минути, а како трет чекор е прекинување да се емитува македонската музика.