Италијанската тенисерка Сара Ерани падна на допинг контрола што била направена на почетокот на годината. Според Интернационалната тениска федерација (ИТФ), во нејзиниот примерок на урина се најдени траги на аримидекс кој се јавува како стимуланс и како метаболички хормон.
Аримидекс е медикамент што се употребува за пост-менопаузен карцином на дојка, но фигурира и на листата на забранети препарати во тенискиот свет.
Италијанската тениска федерација засега е без одлука за санкционирање на Ерани. Не сакајќи да се избрза во ситуацијата, најпрво ги повика правните застапници на финалистката на Ролан Гарос и лекарски тим за проверка на случајот и во зависност од заклучоците ќе следуваат и натамошни чекори.
Ерани за среда најави прес-конференција на која ќе објасни пред јавноста за позитивниот допинг наод.