Стен Вавринка е прв финалист на машкиот турнир на Ролан Гарос. Швајцарецот во полуфиналето, по четири ипол часа игра, го елиминира Енди Мареј со 6:7, 6:3, 5:7, 7:6, 6:1. Негов противник за титулата ќе биде подобриот од дуелот меѓу Рафаел Надал и Доминик Тим што е во тек.
Со самиот пласман во финалето Вавринка ќе напредува до второто место и на АТП листата од понеделник што воедно значи и пад на Новак Ѓоковиќ на четвртата позиција.
Неверојатен меч одигра Швајцарецот против најдобриот светски рекет на задоволство на публиката на трибините и крај малите екрани. Покажа страшна ментална сила и нерви, не го откажа ниту негативата од 1:2 во сетови, се издигна над себе и храбро и со ладна глава му пристапуваше на секој удар за секој поен за заслужена радост на крајот.
Во последниот сет направи Мареј да биде невидлив на теренот, го одигра фуриозно и со три брејка стигна до 5:0 и набрзо потоа и до освојување на вредниот скалп.
Ролан Гарос
Мажи, полуфинале
Вавринка (3., Швајцарија) – Мареј (1., В. Британија) 6:7, 6:3, 5:7, 7:6, 6:1