Тетката на севернокорејскиот лидер Ким Јонг-Ун се чини нема да биде оштетена по шокантата егзекуција на нејзиниот моќен сопруг Јанг Сонг-Таек, и покрај цврстите шпекулации дека и блиските до Јанг ќе бидат мета на чистката на Јонг-Ун.
Ким Кјонг-Хуи, сестрата на таткото на лидерот на Северна Кореја, починатиот поранешен лидер на земјата Ким Јонг-Ил, е именувана за член на Државниот комитет за државни погреби.
Нејзиното име се појавува во широката листа на врвот од партијата, која ги вклучува и шефот за одбрана Јанг Јонг-Нам, како и блискиот соработник на лидерот, и шеф на военото политичко биро, Чое Рјонг-Хае. Според наводите, таа останува во милост на нејзиниот внук.
Јанг-Сонг-Таек, сопруг на Кјонг-Хуи, и некогашен ментор на младиот Ким, беше егзекутиран во четвртокот под обвинение за корупција и завера за државен удар.
Неговата егзекуција – само неколку дена откако беше „олеснет“ од сите негови партиски и воени позиции – го одбележува најголемиот политички пресврт, откако младиот Ким ја наследи власта по смртта на неговиот татко во декември 2011 година.
Последната чистка беше најавена јавно, на драматичен начин, откако Пјонгјанг објави фотографии на кои тетинот на Ким, Јан Сонг-Таек беше извлечен надвор од состанокот на партијата. На следните фотографии беше прикажан Јанг, во лисици, со рани по лицето и рацете, придружуван со униформирани претставници, пред Воениот суд кој го осуди на смрт.
Јужнокорејскиот претседател Парк Геун Хје го критикуваше овој потег нарекувајќи го „терористички режим“ во Северна Кореја. Шефот задолжен за одбрана на Република Кореја соопшти дека неговата земја е на готовс против евентуални провокации, додека Пјонгјанг луто реагираше на реакцијата на Сеул нарекувајќи ја „неподнослива провокација“.
На Јанг Сонг-Таек, некогашен клучен политичар во водството на младиот и неискусен Ким, политичката функција и моќ му ја намали токму внукот, и врховен лидер на земјата, Ким Јонг-Ун.
Според наводите во Јужна Кореја, Јанг и неговата сопруга, Ким Кјонг-Хуи биле разделени веќе неколку години. Не се исклучува можноста да била принудена на развод со цел да биде оддалечена од евентуалната чистка.