Published: Thursday, July 29, 2021 17:05
Тетовската полиција поднела кривична пријава против А.Х.(65) од тетовска Мала Речица и нејзиниот брат С.С.(56) од Босна и Херцеговина до Основното јавно обвинителство Тетово, поради постоење основи на сомнение за сторено кривично дело „тешка кражба“.
Од МВР денеска информираа дека двајцата се сомничат дека во периодот од 4 до 8 јуни годинава, А.Х. му помагала на нејзиниот брат С.С. да украде 400.000 швајцарски франци од А.Џ.(80) од Мала Речица, кој е нејзин сопруг и да избега во Босна и Херцеговина.
По пријава на случајот во СВР Тетово, А.Х. исто така заминала во Босна и Херцеговина и од нејзиниот брат ја одзела комплетната сума, по што заминала во Швајцарија.