Актуелната градоначалничка на Општина Тетово Теута Арифи денеска индиректно најави дека повторно ќе се кандидира за функцијата
-Тоа е партиска работа и за тоа ќе се одлучи во партијата, изјави Арифи денеска при обиколката на тетовските училишта по повод почетокот на учебната година. На прашањето дали таа ќе биде единствениот кандидат од редовите на ДУИ за градоначалник на Тетово, само кратко одговори: „Така изгледа“.
На Теута Арифи е градоначалник на Тетово веќе еден мандат. Три прашања беа исклучително значајни во нејзиниот мандат, а за кои постојано наидуваше на критики кај тетовци: изградбата на новиот водовод, расчистувањето на дивата депонија на влезот во градот и енормното загадување.
Таа денеска најави дека расчитувањето на депонијата е пред крај, наскоро се очекува и да стартува пречистителната станица, а со тоа и новиот водовод да стане функционален.