Во Тирана освен лидерите на земјите од Западен Балкан дојдоа и Емануел Макрон, Урсула Фон дер Лејен, Олаф Шолц, Шарл Мишел, Џорџија Мелони и други државници, поради што центарот на градот е затворен за сообраќај. Наедно се одржува и протест организиран од опозициската Демократската партија и нејзиниот лидер Сали Бериша.
Во градот се распоредени голем број полицајци, а на покривите на Конгресната палата може да се забележат снајперисти.
Присутни се и голем број медиумски тимови од регионот и цела Европа.
Бериша ќе одржува протест на опозицијата против Еди Рама, кого го обвинува за соработка со Александар Вучиќ и Отворен Балкан, како и за заостанување на Албанија во евроинтеграциите.
Полицијата не и дала дозвола на Демократската партија да го одржи протестот, но Бериша изразил решеност да го организира, објави албанскиот Јуроњ.
Бериша нагласи дека опозицијата денеска ќе ги наполни улиците и плоштадите во Тирана, како и ќе протестира пред зградата на владата, за да ги брани европските вредности, кои, како што тврди, ги загрозува албанскиот премиер Еди Рама.
Бериша претходно организираше протести против доаѓањето на српскиот претседател во Тирана на состаноците на Отворен Балкан, тврдејќи дека иницијативата Отворен Балкан и служи на српската хегемонија.
Со самитот во Тирана претседава претседателот на Советот на ЕУ, Шарл Мишел.
Главните теми на самитот во Тирана се заедничко решавање на последиците од руската агресија врз Украина, интензивирање на политичкиот ангажман, зајакнување на безбедноста и градење отпор на странско мешање, соочување со предизвиците на миграцијата, борбата против тероризмот и организираниот криминал.
На крајот е предвидена заедничка прес-конференција на која ќе говорат претседателот Шарл Мишел, Фон дер Лајен и албанскиот премиер Еди Рама.
Учесниците на самитот треба да усвојат и декларација со која ќе се потврди заложбата за перспективата за членство на Западен Балкан во ЕУ на земјите од Западен Балкан и забрзување на тој процес.
ЕУ и земјите од Западен Балкан ги намалуваат и укинуваат и трошоците за роаминг.