Published: Thursday, January 9, 2014 10:34
Во недела, 12 јануари и во понеделник 13 јануари, 2014 г. со почеток во 20 часот, во Македонската опера и балет ќе биде изведен Традиционалниот оперски концерт по повод празникот Василица.
„Македонската Опера и Балет веќе 25 години го одржува овој концерт, во кој се трудиме секоја година на нашата публика да и понудиме различна содржина“, соопштуваат од МОБ.
Годинава концертот е насловен како „Филмски ноти“, што значи дека ќе бидат изведени познати музички нумери од популарни филмови, во изведба на врвни оперски солисти и естрадни ѕвезди, хорот и оркестарот на Македонската Опера и Балет.
Диригент е Саша Николовски-Ѓумар.