Published: Thursday, January 26, 2017 17:34
Трамп изјави отворено дека ќе биде подобро да се откаже закажана средба со мексиканскиот претседател кон крајот на овој месец ако и понатаму одбива да плати за ѕидот на границата- за кој Трамп потпиша наредба вчера.
Оваа реакција на Трамп дојде откако мексиканскиот претседател Енрике Пења Нието рече – повторно – во средата- дека неговата земја “нема да плаќа за каков било ѕид”. Трамп на Твитер соопшти дека треба само да ја прескокнат планираната средба на 31 јануари во Белата куќа.
“Ако Мексико не е подготвен да плати за многу потребниот ѕид, тогаш ќе биде подобро да се откаже од претстојниот состанок,” Трамп напиша на Твитер и во претходниот твит тој го истакна трговскиот дефицит на САД со Мексико и како што рече, американското губењето работни места предизвикани од НАФТА.
Мексиканскиот претседател Енрике Пења Нието претходно изјави дека неговата земја “нема да плаќа за каков било ѕид”, пркосејќи им на барањата на американскиот претседател Доналд Трамп. Но, тој не се откажа од планираната турнеја за САД следната недела .
“Мексико не верува во ѕидовите. Сум рекол еднаш, Мексико нема да плаќа за каков било ѕид”, рече тој во видео изјавата испратена на Твитер со превод од шпански страна на CNN.
Пења Нието вели дека ќе чека на конечниот извештај од неговиот државен врв која допатува во Вашингтон средата за да се сретне со администрацијата на Трамп и претходните состаноци со мексиканските пратеници, пред да одлучи кои чекори ќе се преземат понатаму.