Претседателот на САД, Доналд Трамп е „фрустриран“ од финансиската блокада на Владата, која трае веќе два дена, бидејќи истата се случува за време на првата годишнина од неговата власт.
Портпаролот на Белата куча посочи дека демократите ја предизвикале кризата во финансирањето со цел да го свртат вниманието на јавноста од успесите на Трамп во првата година од претседателскиот мандат.
Блокадата почна во саботата на полноќ откако демократите и републиканците не успеаја да постигнат договор за продолжување на финансирањето на федералната Влада.
Со ова, неизвесно е и учеството на Трамп на Светскиот економски форум во Давос, Швајцарија кој ќе се случува од 23 до 26 јануари.
Трамп треба да го одржи завршниот говор на Светскиот економски форум, на кој учествуваат шефови на држави, претставници на цивилното општество, академици и голем број јавни личности.