Published: Saturday, March 4, 2017 14:39
Претседателот на САД Доналд Трамп денеска го обвини неговиот претходник Барак Обама дека му го прислушувал телефонот за време на минатогодишната кампања.
Трамп ова го направи на Твитер, социјалната мрежа каде често упатува коментари за различни настани. За ова тој не понуди никаков доказ.
-Се обложувам дека добар адвокат би можел да направи одличен случај од фактот дека претседателот Обама го прислушувал мојот телефон во октомври, непосредно пред изборите, напиша Трамп.
-Колку ниско падна претседателот Обама да ми го прислушува телефонот за време на изборниот процес. Тоа е Никсон/Вотергејт. Лош (или болен) човек, пишува Трамп во уште еден твит.




