Во интервју за Тајмс, новоизбраниот претседател на САД, Доналд Трамп тврди дека Меркел е најважниот лидер во Европа.
– Ако ја погледнете Европската унија, Германија е практично нејзиниот мотор, вели меѓу другото тој.
Сепак смета дека германската канцеларка Ангела Меркел направила катастрофална грешка со тоа што дозволила над 1 милион мигранти да влезат во Германија.
Тој тврди дека токму Брегзит во Велика Британија беше успешен референдум поради мигрантската криза.
– Верувам дека ако земјите од ЕУ не беа присилени да ги земат бегалците, толку многу од нив…немаше да се случи Брегзит, вели Трамп.
Во однос на неговите ставови за миграцијата во САД, повтори, како и што тврдеше во неговата кампања, дека ќе биде цврст.
– Луѓето не сакаат други луѓе да доаѓаат и да ја уништуваат нивната земја. Во оваа земја ќе имаме цврсти граници од денот кога јас ќе ја преземам канцеларијата, изјави тој.
Според него земјите сакаат да имаат свој идентитет па така се случил и Брегзит, а смета дека може уште неколку земји да го направат истото.