Поранешниот американски претседател Доналд Трамп рече дека решавањето на конфликтот меѓу Русија и Украина, доколку тој биде реизбран за шеф на државата, „нема да потрае повеќе од 24 часа“.
Поранешниот претседател ова го изјави на годишната конвенција на американските конзервативци во Вашингтон.
„Сакам да ве уверам дека ова нема да биде тешка задача. Тоа може да се направи во рок од 24 часа ако луѓето знаат што треба да направат“, рече Трамп.
Трамп одби да каже точно кој е неговиот план или какви активности има намера да преземе.
„Нема да ви кажам, бидејќи на тој начин веројатно ќе ја изгубам можноста да го спроведам тоа. За да го направите тоа, треба да бидете претседател – ви треба функција и моќ. Сепак, тоа ќе се направи во рок од дваесет и четири часа. Повторно, ова никогаш немаше да се случи ако јас бев претседател“, порача Трамп.