Трамвајот број 9 сообраќа низ срцето на финансискиот центар на Италија. Тој требало да продолжи право по авенијата „Виторио Венето“ и се движел со голема брзина. Но, ненадејно свртел на раскрсница на шините што ја користи друга трамвајска линија и излегол од вообичаената траса.
Трамвај излета од шините во петокот и удри во зграда во центарот на Милано, при што загинаа двajca, а повеќе од дваесетина беа повредени, објави „Асошиејтед прес“.
Инцидентот се случил на централната авенија „Виторио Венето“, во период кога италијанската деловна престолнина ги одржува своите сезонски модни ревии и е во период меѓу домаќинството на Зимските олимписки и Параолимписките игри.
Трамвајот број 9 сообраќа низ срцето на финансискиот центар на Италија. Тој требало да продолжи право по „Виторио Венето“ и се движел со голема брзина. Но, ненадејно свртел на раскрсница на шините што ја користи друга трамвајска линија и излегол од вообичаената траса, според видеоснимка од несреќата.
На видеото се гледа како трамвајот речиси се превртува на страна додека влегува во свиокот, пред да удри и да запре во зграда.
Градоначалникот на Милано, Бепе Сала, сугерираше дека станува збор за човечка грешка, наведувајќи дека возачот очигледно не ги префрлил шините за трамвајот да продолжи право. Сала го опиша возачот како искусен вработен кој бил на смена само еден час. Сепак, рече дека претходно прескокнал една станица пред да се случи несреќата и ќе биде испрашан од болницата каде што се лекува поради повредите.
Сала потврди дека двајца загинале — еден патник во трамвајот и пешак на улица. Тој изјави дека ниеден од другите повредени не е во животна опасност.