Четворица осомничени во случајот „Транспортер“ во моментов се на распит во Кривичниот суд во Скопје.
По барање на СЈО судот треба да одлучи за мерка притвор за четворицата осомничени.
Доцна синоќа, судија во предистражна постапка определил мерка притвор за лице вработенo во општина Битола, а за други тројца се определени мерки одземање на патна исправа, наредба да се јавуваат редовно на суд и забрана за напуштање на градот во кој што живеат.
Во случајот „Транспортер“ главен осомничен е градоначалникот на Битола Владимир Талески, но за него СЈО бара конфискација на имотот, бидејќи е помилуван од претседателот.
Според СЈО, Талески заедно со општинскиот претседател на Комисијата за јавни набавки и група превозници ги местеле тендерите за превоз на ученици со што општина Битола го плаќала најскапиот превоз во светот.
Според обвинението станува збор за проневера на 360.000 евра, пари од државниот буџет за училиштен превоз во Битола.
Предмет Транспортер: Криминални зделки со превоз на ученици во Битола