Третиот натпреварувачки ден од EYOF Skopje 2025 беше обележан со почетокот на настаните во планински велосипедизам, кои се одржаа во Куманово. Во машка категорија, Ларс Пеирс од Белгија го освои златниот медал со време од 59:06 минути, додека во женска конкуренција, златото и припадна на Швајцарката Јаел Клаузер, која заврши со време од 55:56 минути.
Врвот на атлетските настани на Националната арена „Тодор Проески“ беше натпреварот во скок во вис за мажи, каде што двајцата најдобри атлетичари прескокнаа висина од 2,15 метри.
Поради помалку неуспешни обиди, златниот медал му припадна на Гркот Харалампос Алвизатос, додека чешкиот атлетичар Војтех Зајичек, со иста пречекорена висина, мораше да се задоволи со сребро.
Финецот Јере Пенти Филјами го освои златниот медал во фрлање копје со растојание од 74,54 метри, додека во одење на 5 км триумфираше Италијанецот Николо Видал со време од 20 минути, 22 секунди и 43 стотинки.
Натпреварите во пливање во Олимпискиот базен во Скопјe, исто така, донесоа многу возбудувања. Во финалето на 200 метри мешано за мажи, најбрз пливач беше Британецот Остин Менли со време од 2:07,23 минути. На 100 метри слободно, Италијанецот Даниеле Фиорели го освои златниот медал со време од 51,89 секунди.
Во дисциплината 200 метри пеперутка за мажи, Турчинката Арел Ѓултекин триумфираше со време од 2:00,33 минути, додека во дисциплината 100 метри градно за жени, Унгарката Петра Пужа го освои златото со време од 2:30,75 минути.