Конвојот со телата на 127 сребренички жртви, кои во понеделник ќе бидат закопани во Меморијалниот центар во Поточари, беше пречекан пред зградата на Претседателството на БиХ во Сараево, на пат кон вечното почивалиште.
Голем број граѓани излегоа на улиците во Сараево, за да им оддадат почест на жртвите на геноцидот кој се случи во јули 1995 година во Сребреница.
Меѓу 127 жртви, има 12 малолетници. Најмладата е 14 годишната Авдија Мемиќ, а нјастра е Мустафа Хаџовиќ роден 1918 година.
Во Меморијалниот центар во Поточари, досега се погребани вкупно 6377 жртви, а се уште се трага за повеќе од илјада жртви на геноцидот.
Поранешниот претседател на Република Српска, Радован Караџиќ, во март годинава Хашкиот трибунал го прогласи за виновен за геноцидот во Сребреница и други воени злосторства во БиХ и осуден е на казна од 40 години затвор.
Пресудата за Ратко Младиќ, кој беше врховен командант на восјката на Република Српска, најавена е за ноември 2017 година.